Að fá húðina til að ljóma – 10 góð ráð frá sérfræðingum

Heilbrigð og ljómandi húð er sennilega ofarlega á óskalistanum hjá flestum. Það eru nokkrir hlutir sem spila þar inn í en góð gen, lífsstíll, snyrtivöruval og daglegir valkostir okkar hafa mjög mikil áhrif á heilbrigði húðar. Góð frumuendurnýjun, gott blóðflæði, góður nætursvefn, góð næring og góð húðumhirða eru allt hlutir sem þurfa að vera í jafnvægi til þess að húðin ljómi af heilbrigði. Hérna fyrir neðan eru 10 góð ráð sem hjálpa húð þinni að ljóma af heilbrigði þannig að það sé engin þörf á filter!

1. Hreinsaðu alltaf af þér allan farða fyrir svefn

Aldrei sleppa því að yfirborðshreinsa húðina fyrir svefn. ALDREI. Sama hversu þreytt/ur þú ert. Stíflaðar húðholur gera ásýnd húðarinna grófa og hrufótta, sem ýtir undir óhreinindi og bólumyndun. Ef þú yfirborðshreinsar ekki húðina fyrir svefn getur þú átt á hættu að missa af tækifæri til að vinna á vandamálasvæðum. Notaðu mildan yfirborðshreinsir sem þurrkar ekki húðina til þess að fjarlægja farða, óhreinindi, mengun og annað sem húðin hefur gripið yfir daginn.

/skin regimen/ cleansing cream er mildur, freyðandi yfirborðshreinsir með margþætta virkni. Hann verndar húðina gegn neikvæðum áhrifum mengunar ásamt því að fjarlægja SPF, farða, ryk og mengun. 

2. Fáðu nægan svefn

Rannsóknir hafa sýnt að það eru vísindi á bak við fegurðarblundinn. Húðin endurnýjar sig á meðan þú sefur og of lítill eða slæmur svefn leiðir til aukinnar framleiðslu streituhormóns sem veldur bólgum í líkamanum og getur leitt til bólgu í húð s.s. Acne og Psoriasis. Gott ráð er að setja næturmaska á húðina fyrir svefn. Það örvar eiturefnalosun húðarinnar á meðan þú sefur og þú vaknar með endurnýjaða húð.

3. Djúphreinsun

Djúphreinsun er það þegar við fjarlægjum dauðar húðfrumur af yfirborði húðar. Djúphreinsun bætir áferð og útlit húðar og eykur virkni þeirra vara sem á eftir eru notaðar. Mikil uppsöfnun dauðra húðfrumna getur látið rakamestu húð virka mött. Með því að fjarlægja dauðar húðfrumur gefum við húðinni bjart yfirbragð og það hjálpar til við að halda húðinni hreinni.

/skin regimen/ enzymatic powder er frábær djúphreinsir sem afeitrar húðina og losar hana við mengun og þungmálma jafnframt því sem hann fjarlægir dauðar húðfrumur.

4. Drekktu vatn

Vatnsdrykkja er ákaflega mikilvæg fyrir heilbrigða og ljómandi húð. Það að drekka nægilega mikið vatn á hverjum degi gefur ekki aðeins húðinni raka heldur skolar einnig út eiturefnum svo þau byggist ekki upp í frumunum þínum. Án nægilega mikils vatns fá frumurnar ekki nægan raka og getur þá húðin fengið dauft og þreytt yfirbragð. Það getur verið gott að setja ávexti, svo sem jarðaber, sítrónur og epli, út í vatnið þar sem vítamínin og andoxunarefnin í þeim hafa einnig jákvæð áhrif á húðina. 

5. Fjárfestu í góðu augnkremi

Húðin er þynnst í kringum augun og þar af leiðandi viðkvæmust þar fyrir þurrki og sjáanlegum þreytumerkjum. Nýlegar rannsóknir sýna það að nota augnkrem sléttir húðina í kringum augun og dregur úr djúpum hrukkum.

/skin regimen/ lift eye cream styrkir augnumgjörðina og eykur ljóma, dregur úr línum og hrukkum, vinnur á þrota og baugum og lyftir efra augnloki.


6. Raki

Það virðist nokkuð augljóst að þegar við sækjumst eftir mýkt og ljóma að þá er raki lykilatriði. Raki er undirstaða virkrar húðumhirðu.

Ef húðin er þurr og hefur tapað ljóma sínum mælum við með /skin regimen/ tripeptide cream til þess að endurheimta raka og ljóma. Kremið verndar húðina gegn mengun, þéttir hana og gefur henni langvarandi raka.

7. Borðaðu grænt

Blaðgræna eins og grænkál og spínat er full af steinefnum, chlorophyl og andoxandi efnum. Þetta eru nauðsynleg bætiefni fyrir húðina. Þau auka súrefnisflæði til húðar og örva sogæðalosun til eitla sem þýðir að þau draga líka úr bólgum og þrota. Regluleg neysla á blaðgrænu getur umbylt húðinni á nokkrum dögum. Skiptu út morgunkaffinu fyrir grænan safa. Næringarefnin síast út í blóðrásina og ná þannig hraðar til húðarinnar.

8. Hreyfing

Hreyfing eykur blóðflæði og súrefnisflæði til húðar. Um leið og hjartað pumpar blóði hraðar, pumpa vöðvarnir út próteini sem knýr frumuskiptingu. Sem í stuttu máli yngir húðina. Hreyfing í bara 10 mínútur nokkrum sinnum í viku getur breytt miklu.

9. Retinol

Góð leið til að endurheimta ljómann og jafna yfirborð húðar er að nota retinol. Retinol er form af A vítamíni sem eykur endurnýjun húðar. Retinol dregur verulega úr hrukkum og línum í kringum augu, munn og á kinnum. Aukin frumuframleiðsla þýðir að kollagen framleiðsla eykst, sem styrkir rakaþennslu húðar og dregur úr línum og hrukkum. Retinol vinnur einnig á sólarskaða, fínum línum og acne.

/skin regimen/ retionol booster hefur endurnýjandi virkni sem jafnar húðyfirborðið, dregur úr línum og hrukkum og þéttir húðina.

10. C vítamín

C vítamín hentar vel til þess að lýsa dökka bletti og jafna húðtón. C vítamín er nauðsynlegt til þess að framleiða kollagen sem þéttir og stinnir húðina en skortur á því getur leitt til þess að húðin verður föl og líflaus. Kollagen endurnýjar húðina og dregur úr hrukkum og sjáanlegum ummerkjum öldrunar. C vítamín eykur einnig elastín, sem gerir húðina þykkari svo hún haldi meiri raka sem aftur gerir hana þrýstnari.

/skin regimen/ vitamin C booster þéttir húðina, jafnar húðtón og dregur úr litabreytingum.

Ef þú fylgir þessum 10 ráðum ættir þú að vera orðin/nn ljómandi áður en þú veist af!


    Eldri grein Nýrri grein